Коронавирусийн нөхцөл байдал, ОХУ, Украины нөхцөл байдлаас болж, дэлхийн улс орнууд хямралд өртөж байна. Тиймээс УИХ-ын дарга Г.Занданшатар ард иргэдээ хэмнэлтийг горимд шилжих хэрэгтэй хэмээн уриалсан.

Харин залуучуудын зүгээс төр хэмнэлтээ өөрөөсөө эхлэн ёстойг сануулж, Засгийн газраас УИХ-д Олон улсын хямралт нөхцөл байдлаас үүдэлтэй гол нэр төрлийн бараа, бүтээгдэхүүний үнийн өсөлт, хомсдолоос сэргийлэх, сөрөг нөлөөллийг бууруулах тухай хуулийн төсөл өргөн барьсан.

Үүнтэй холбогдуулан УИХ-ын дарга Г.Занданшатар захирамж гаргаж, ажлын хэсэг байгуулсан. Уг ажлын хэсэг яг одоо Төрийн ордонд хуралдаж буй. Энэ үеэр УИХ-ын дарга Г.Занданшатар "Маргаашаас УИХ-ын харьяа байгууллагуудын удирдлага хотод "570, 200" унахгүй. Төрийн хэмнэлтийг манлайлан ажилла. Хэмнэлтийг өөрсдөөсөө эхэлье. УИХ-ын зардлыг өмнөх төсвийн тодотголоор 5.6 тэрбумаар танасан. Гишүүний зардал 11 хувиар, Байнгын хорооны зардал 16 хувиар хасагдсан. Дахин 10-аас багагүй хувиар танахаас өөр аргагүй" хэмээлээ.