Үнийн өсөлт, тэгш бус байдлыг эсэргүүцсэн залуус өчигдөр Сүхбаатарын талбайд жагссан. Тэд Засгийн газрыг "Ажлаа хий" хэмээн шаардаж, шаардлага хүргүүлсэн байдаг. Харин уг шаардлагыг ХЗДХ-ийн сайд Х.Нямбаатарт өгсөн бөгөөд тэрээр өчигдөр 18 цагийн үед талбайд жагсаж буй залуустай уулзсан.

Жагсаж байсан залуус ХЗДХ-ийн сайд Х.Нямбаатар руу юм шидэж, эсэргүүцэл илэрхийлсэн. Энэ үеэр үзэл бодлоо илэрхийлж байсан эмэгтэйн биед халдаж, толгойг нь хагалсны улмаас ГССҮТ-д хоёр оёдол тавиулсан байна. Үүнтэй холбогдуулан ЭЦА-наас шалгалт явуулж байгаа гэдгийг тус албанаас мэдээллээ.