Нийслэлийн АН-ын дарга Э.Бат-Үүл болон АН-ын нийт удирдлагууд цаг үеийн асуудлаар мэдээлэл хийлээ. Энэ үеэр Х.Баттулгыг намын даргаар батламжлах ээлжит бус их хурлын талаар АН-ын Ерөнхий нарийн бичгийн дарга Ч.Өнөрбаяр "Хууль дүрмээрээ ийм боломж байхгүй. Өөртэйгөө өрсөлдөөд ялах тогтолцоо ардчилсан улсад байдаггүй. Эрүүл саруул иргэдтэй улсад ийм зарчим байхгүй. Зарим дарангуйлагч улсад удирдагчид нь ичдэг. Манайд бол ичихээ больчихсон юм байна. Үүнийг сонгууль ч, сунгаа ч гэхгүй. Монгол хүн Монгол хүндээ дайсан байж болохгүй. Эвлэж нэгдээд хийх ажил их бий. АН-ын даргыг батламжлах хурал гэж үзэх үндэслэл байхгүй" гэв.