ЭМЯ-наас Ковид-19-ийн цаг үеийн асуудлаар мэдээлэл өгдөг ээлжит хэвлэлийн хурал болж байна. ХӨСҮТ-ийн ерөнхий захирал Д.Нямхүү батлагдсан болон сэжигтэй тохиолдлуудын талаар мэдээллээ. Тэрээр:
Өчигдөр буюу дөрөвдүгээр сарын 8-ний өдөр Замын-Үүдэд нэг сэжигтэй тохиолдол тусгаарлагдлаа.
Харин өмнө нь Сэлэнгэ аймагт бүртгэгдсэн 9 сэжигтэй тохиолдол, ХӨСҮТ-д тусгаарлагдсан 8, тандалтын 21 хүн гээд нийтдээ 38 шинжилгээний хариунд коронавирус илрээгүй.
Дөрөвдүгээр сарын 8-нд Сөүл-Улаанбаатарын тусгай нислэгээр ирсэн 83 хүнд тандалт шинжилгээ хийж байна.
Сэлэнгэ аймагт батлагдсан тохиолдлыг ХӨСҮТ-д авчирч эмчилгээнд орууллаа. Батлагдсан тохиолдлын ойрын хавьтал болох 15 хүнийг шинжилгээ, хяналтад оруулсан.
Өнөөдрийн байдлаар ХӨСҮТ-д 205 хүн тусгаарлагдан, хянагдаж байна" гэсэн мэдээллийг өглөө.
Мөн тэрээр өчигдөр ХӨСҮТ-ийн багийнхны ажлын үйл явцтай танилцаж, сэтгэлийн дэмжлэг, урмын үгс болон 500-1,0000 төгрөгний мөнгөн урамшуулал олгохоор болсон шадар сайдад хамт олныхоо өмнөөс талархаж буйгаа илэрхийлсэн юм. Үүний дээр ЭМЯ-нд цугласан хандивын мөнгөнөөс яаралтай хэрэгцээтэй тоног төхөөрөмж оношлуур, өрөөнүүдийн засвар, илүү цагийн мөнгө зэргийг цаг алдалгүй шийдэж өгдөг Д.Сарангэрэл сайдад талархаж байна гэлээ.
