Нийслэлийн хэмжээнд Баянзүрх, Чингэлтэй, Сонгинохайрхан, Сүхбаатар дүүргийн нутаг дэвсгэрт хөрсний уснаас үүссэн халиа дошин, уулын гуу жалга, сайрын цас мөс хайлж уруйн үер үүсэх эрсдэл өндөр байдаг.
Нийслэлийн Онцгой комиссын даргын 2022 оны гуравдугаар сарын 09-ний II албан даалгавраар мэргэжлийн байгууллагуудын бэлтгэл бэлэн байдал, уялдааг хангаж, хөрсний уснаас үүссэн халиа дошин болон хаврын дулааралтын үед уулын гуу жалга, сайрын цас мөс хайлж уруйн үер үүсэхээс урьдчилан сэргийлэх, үерийн хамгаалалтын барилга байгууламж, далан суваг, замын ус зайлуулах шугам сүлжээ, авто замын доогуурх гаргалгаа хоолойны ашиглалтын хэвийн найдвартай ажиллагааг хангахыг даалгажээ.
