Хөвсгөл аймгийн Гэр бүл, хүүхэд залуучуудын хөгжлийн газар, Хөдөлмөр халамж үйлчилгээний газар, Цагдаагийн газар хамтран Хүүхэд хамгаалагч төслийг хэрэгжүүлж  эхэллээ.

Тус төсөл нь хүүхдийг гэрээс сургууль, сургуулиас гэр хүртэлх замын аюулгүй байдлыг хангах, аливаа эрсдэлд өртөхөөс урьдчилан сэргийлэх зорилготой гэнэ. Хүүхэд хамгаалагч нар нь нийгмийн бүхий л орчинд хүүхдийг үл хайхрах байдал, дарамт, хүчирхийлэлд өртөхөөс урьдчилан сэргийлэх, хариу үйлчилгээ үзүүлэх ажилд дэмжлэг үзүүлж хамтран ажиллах юм байна. Өнөөдөр аймгийн Цагдаагийн газрын 2 ахмад албан хаагч хүүхэд хамгаалагчаар сонгогдож хамтын ажиллагааны гэрээгээ байгууллаа. Цаашид 2 албан хаагч арав арван сайн дурынхныг нэгтгэн 22 хүүхэд хамгаалагч хамтран ажиллана гэдгийг Хөвсгөл аймгийн Гэр бүл, хүүхэд залуучуудын хөгжлийн газрын дарга Ч.Дашбаяр мэдээллээ.