Олон ажилчид хөл хорионы үед гэрээсээ ажил хэргийн уулзалтуудаа хийж байна. Ковид-19 халдварын  улмаас ажилчдыг гэрээс нь ажиллуулахыг хүсч буй компаниудын тоо нэмэгдсээр байгаа тул ажилчидтайгаа хурал хийхдээ цахим хэлбэрийг ашиглах нь ихэсжээ. Тиймээс уншигч та бүхэнд алсын зайны буюу видео хурал хийх зөвлөгөөг танилцуулая.

Видео дуудлага хийхдээ компанийнхаа соёлыг дагаж мөрдөн хувцаслах хэрэгтэй. Зарим ажилчид оффис дээрээ дүрэмт хувцас эсвэл ижилсүүлж өмсдөг. Хэдий тийм ч видео хурлын үед аль болох биед амар энгийн хувцаслах нь зохистой. Гэхдээ гэрийн халаад, унтлагын хувцас гэж хэлээгүй шүү.

Хуралд оролцогч нар бүгд орж ирсэн тохиолдолд видеог эхлүүлэх нь зүйтэй. Прези компанийн танилцуулгын програм хангамжийн үүсгэн байгуулагч, гүйцэтгэх захирал Питер Арвай:"Бид бүгдээрээ нийгмийн энэ таагүй нөхцөл байдалд хамтдаа байна. Хүн бүр камер харж ажиллаж үзээгүй хэдий ч энэ бол жирийн уулзалтаас ялгаагүй зүйл."

Хэрэв таны гэрт оффисын зориулалттай орон зай эсвэл өрөө байдаг бол таатай хэрэг. Гэхдээ жижиг байшинд амьдардаг хүмүүсийн хувьд гал тогооны өрөөний ширээ, буйдан эсвэл унтлагын өрөөгөө ашиглаж болох юм. Ард талд байгаа зураг, өлгүүр, дурсгалын зүйлээсээ санаа зовох шаардлагагүй. Хүн бүрт адилхан байгаа. Тиймээс түүнд анхаарал хандуулах шаардлага байхгүй. 

Та аль болох гэрэлтэй газар сууснаар таны нүүрний хувирлыг бусад хүмүүс харах боломжтой болох юм. Хэрэв та чадвал цонхны дэргэд нүүрэн дээрээ гэрэл асаагаарай. Энэ нь бусдад илүү таатай болох болно.

Аруна Равичандран, Cisco-ийн Вэбекс хамтын ажиллагааны бизнесийн маркетингийн ахлах мэргэжилтэн зөвлөж байна:  “Хүмүүс бие биенээ танихгүй бол уулзалтад оролцогчдыг өөрсдийгөө танилцуулахыг санаощл болгоорой.”

Уулзалтын үеэр хэн нэгэн утсаа байнга харж эсвэл зөөврийн компьютер дээрээ юм бичээд байх нь ямар их уйтгартай байдгийг та мэдэх үү?  Уулзалтын үеэр өөр юм хийх, мэдэгдэл ирэх зэрэг анхаарал сарниулах зүйлсийг унтраах.Мөн та мэдэгдэл хийж яриагүй үедээ микрофноо хаах хэрэгтэй. Энэ нь бусад уулзалтанд оролцож байгаа хүмүүст саад болохгүй гэсэн үг.

                                                                                                                                                                                                                                                                                                 Эх сурвалж: CNN Business 

                                                                                                                                                                                                                                                                                                 Орчуулсан: Н.Мөнхзаяа