Дэлхий даяар тархаж буй коронавируст халдвар болоод Монгол орны 10 аймаг, 40 сумдад зудтай тэмцэж буй байгууллага, албан хаагч, малчин, иргэдэд туслах "Монголдоо хайртай" аян үргэлжилж байна.
Тус аяны хүрээнд зохион байгуулагдаж буй "Никитон" хамтлагийн онлайн тоглолтыг өнөөдөр 20:00 цагаас "On&Off" продакшны студийн тайзнаас "Боловсрол" суваг телевизээр орон даяар шууд дамжуулна.
Онлайн тоглолт "Монголдоо хайртай", "Ard News" фейсбүүк хуудас, ӨМӨЗО-ны "Хийморь" IPTV-ээр дэлхийн өнцөг булан бүрт суугаа монголчуудад шууд хүрнэ.
Тоглолтод Зууны манлай эстрадын дуучин, МУГЖ Б.Сарантуяа, поп дива Ж.Алтанцэцэг нар оролцоно.
