Регистрийн дугаарыг халахгүй, иргэний бүртгэлийн дугаарыг хэрэглээнд нэвтрүүлэхээр болсон гэж УБЕГ-аас мэдээллээ. Тодруулбал, Иргэний бүртгэлийн дугаар нь иргэний улсын бүртгэлийн мэдээллийн сангаас өгөгдсөн 12 орон бүхий үл давхардах, өөрчлөгдөхгүй тоо юм. Энэхүү бүртгэлийн дугаарыг хэрэглэснээр тухайн иргэний хаалттай болон хязгаартай мэдээллийг өөр хэн нэгэн мэдэх боломжгүй бөгөөд 12 орон бүхий бүртгэлийн дугаар нь хувь хүний талаар ямар нэг мэдээллийг агуулахгүй аж.
Энэхүү 12 орон бүхий дугаар нь Монгол Улсын иргэн бүрд байна. Ингэснээр илүү нууцлалтай хандана л гэсэн үг юм байна.
