Токиогоос Монгол иргэдийг татан авах нислэг өнөөдөр 13:05 цагт Улаанбаатараас хөөрч, Токиод орон нутгийн цагаар 19:00 цагт газардана. 

Тусгай үүргийн онгоц нь Токио хотод нэг хонож дөрөвдүгээр сарын 3-ны өглөө 08:30 минутад Улаанбаатар хот руу нисэж, 13:05 цагт газардана. 

Харин Сөүлээс иргэдээ татан авах нислэг өнөө өглөө 08:40 цагт хөөрсөн юм. Тус онгоц 12:50 цагт Сөүлд газардана. Харин 14:20 цагт Улаанбаатар руу нисэж, 17:00 цагт газардах хуваарь гарчээ.

Тус нислэгээр ХӨСҮТ-ийн эмч нар, МХЕГ-ын Улсын байцаагч нар явах бөгөөд тусгай нислэгээр эх орондоо ирэх иргэд эмч, байцаагч нарын тандалт, асуумж судалгаанд бүрэн дүүрэн, үнэн зөвөөр хариулахыг УОК, ЭМЯ-аас анхааруулж байна.