УИХ-ын чуулганы нэгдсэн хуралдаанаар “Шинэ сэргэлтийн бодлого батлах тухай” Улсын Их Хурлын тогтоолын төслийн талаар хэлэлцэж байна. Хэлэлцэж байгаа асуудалтай холбогдуулан гишүүд асуулт асуун, хариулт авч байна. ХНХ-ын сайд А.Ариунзаяа Халамжаас хөдөлмөрт шилжих бодлогын талаар товч танилцууллаа.

Тэрбээр "Иргэдийн орлогын эх үүсвэрүүдийг нэмэгдүүлэхээр ажиллаж байна. Үүний хүрээнд бусад улс орнуудын адил байгалийн баялагийг иргэддээ тэгш хүртээх зорилготой баялагийн сангийн хуулийг УУХҮЯ санаачилж байгаа. Мөн хуримтлалын нэгдсэн сан байгуулж, түүгээрээ дамжуулан иргэдэд байгалийн баялгийн хуваарилтыг тэгш хүргээд ажиллана" гэв.