Гудамж, замын хяналт шалгалтаар өчигдөр буюу арванхоёрдугаар сарын 17-ны баасан гарагт нийслэл хотын хэмжээнд согтуугаар тээврийн хэрэгсэл жолоодсон нийт 106 зөрчлийг илрүүлж, учирч болох эрсдэлээс урьдчилан сэргийлж ажилласан байна.

Энэ оны 11 сарын байдлаар согтууруулах ундааны зүйл хэрэглэсэн үедээ тээврийн хэрэгсэл жолоодсон 33 мянган зөрчил илрүүлжээ. Үүнтэй холбоотойгоор зам тээврийн осол 1300 бүртгэгдэж, согтуу жолоочийн улмаас 95 хүний амь нас хохирсон байна.

Тээврийн цагдаагийн албанаас "Don't drink and drive" буюу "Уусан үедээ бүү жолоод" нөлөөллийн арга хэмжээ явуулж байна.