Засгийн газрын ээлжит хуралдаан болж шийдвэрээ танилцууллаа. Гаргасан шийдвэрийг танилцуулах үеэр ЗГХЭ газрын дэд дарга У.Бямбасүрэн дараах мэдээллийг өглөө.

Тэрбэээр "Өнөөдрийн Засгийн газрын хуралдаанаар сум, нийслэл, дүүргийн ИТХ-ын бүтэц орон тооны хязгаарыг тогтоох тухай засгийн газрын шийдвэр гарлаа. Энэ ажлын хүрээнд төрийн байгууллагын бүтцийг цомхон чадварлаг болгох боломжтой гэж харж байна. Нийслэлийн ИТХ-ын ажлын албаны орон тоог 35-аас хэтрүүлэхгүй, сумынх 3-4, дүүргүүдийн ИТХ-ын ажлын албаны орон тоо, дүүргийн иргэдийн хүн ам, газар нутгаас хамаарч 8-21 хооронд байхаар тогтоосон. Бүтэц орон тоог тогтоосон шийдвэр ирэх оны 1-нээс хэрэгжиж эхэлнэ. Ингэснээр иргэдэд үзүүлэх төрийн үйлчилгээ оновчтой болж байна гэсэн үг. Иргэдийн хурал нь орон тоогоо өөрөө тогтоодог байсан бол одоо Засгийн газар тогтоож өгч байна. Ингэснээр 162 орон тоо хасагдаж байна" гэв.