“Мал мах-2021” нэгдсэн арга хэмжээний хүрээнд Сүхбаатар аймаг дахь цагдаагийн газрын алба хаагчид мал хулгайлсан этгээдүүдийг илрүүлэн шалгаж байна. Тодруулбал, тус аймгийн Мөнххаан, Түвшинширээ сумын нутаг дэвсгэрээс иргэдийн 48 тооны бод малыг есөн удаагийн үйлдлээр тус аймгийн харьяат Б гэгч нь бусадтай бүлэглэн, тээврийн хэрэгсэл ашиглан хулгайлж иргэдэд 101.000.000 / нэг зуун нэг сая/ төгрөгийн хохирол учруулсан гэмт хэргийг илрүүлэн холбогдох шалгалтыг явуулж байна.