Түлхүүр мэдээлэл:

• Италид цагдаа нар үймээн самуун, дээрэм болохоос сэргийлж харуул хамгаалалтанд гарчээ.
• Албаны хүмүүс хорио цээрийн энэ үед хүмүүс дэлгүүрүүд рүү  дайрч орох, үймээн самуун үүсгэхэд бэлтгэж байна гэж эмээж байгаагаа илэрхийлжээ.

Сицилийн арал дээр байрлах Палермо хотын гудамжинд цагдаа  нар харуул хамгаалалтанд гарчээ. Учир нь хэсэг бүлэг хүмүүс сошиал медиагаар дэлгүүрүүдээ эвдэж оръё хэмээн уриалж, үймээн самуун дэгдээж болзошгүй  аюултай нөхцөл байдал үүсээд байгаа юм.

Албаны хүмүүс улс нийтийн хорио цээрийн энэ үед хямралаас үүдэлтэй хүчирхийлэл, дээрэм тонуул, үймээн үүсэх вий гэж санаа зовж байгаагаа илэрхийлжээ. Тиймээс тус мужид үймээн гарахаас урьдчилан сэргийлэх нь засгийн газрын тэргүүн зорилт болж байгааг захиргааний стратегийн хэлэлцээрийн үед  нэрээ нууцласан Италийн албан тушаалтнууд хэллээ.

Даваа гарагт Италийн эрүүл мэндийн сайд Роберто Сперанза хэлэхдээ: “ Ковид-19 халдварын тархалт удааширч байгаа хэдий ч улс нийтийн хорио цээр ядаж “Улаан өндөгний баяр” хүртэл үргэлжлэх ёстой .” гэв.

                                                                                                                                                                                                                                                                      Эх сурвалж: SCMP