Өнгөрсөн аравдугаар сарын 18-ны өдөр УИХ-ын гишүүн асан, "Эрдэнэс Монгол" ХХК-ийн захирал Д.Хаянхярваагийн албан өрөөнд АТГ-аас нэгжлэг хийсэн. Тодруулбал, "Эрдэнэс Монгол" ХХК-д санхүүгийн томоохон зөрчил үүссэнтэй холбогдуулан албан өрөөнд нэгжлэг хийсэн юм.

Улмаар шүүхээс нэг сар цагдан хорих шийдвэр гаргасан бөгөөд тус хугацаа энэ сарын 18-ны өдөр дууссан тул Д.Хаянхярвааг сулласан байна.

Сануулахад, УИХ-ын гишүүн асан Д.Хаянхярваа "Эрдэнэс Монгол" ХХК-ийн ТУЗ-ийн 2020 оны 10 дугаар сарын 12-ны өдрийн шийдвэрээр тус компанийн гүйцэтгэх захирлаар томилогдсон юм.

Мөн түүний өмгөөлөгч П.Баасанжав "Д.Хаянхярваа нь 2019 онд УИХ-ын гишүүн байсан 2020 оны 10 сарын 12-ны өдөр "Эрдэнэс Монгол" ХХК-ийн ТУЗ-ийн шийдвэрээр Гүйцэтгэх захирлаар томилогдсон. Гэтэл 2019 оны худалдан авах ажиллагаа, түүнээс авлига авсан гэж баривчлан мөрдөн байцаалт явуулж байгаа нь хууль бус гэж үзэж байна" хэмээсэн байдаг.