Контейнерыг номын сан болгон тохижуулж, хүүхэд залуусыг хичээл хийх таатай орчноор хангах зорилготой "Magicbox" төслийг "Ид шидийн орон" хүүхэд хамгааллын төвийг санаачлагч Ч.Ганжавхлан тэргүүтэй хэсэг залуус санаачилсан. Тус “Magic box” төсөлд 19 аймгийн 79 сум төслөө илгээн, явуулын номын сантай болохыг хүсэж буйгаа илэрхийлснээс Говь-Алтай аймгийн Тонхил сум ялагчаар тодорсон билээ. Тэгвэл “Magic box” төслийн хамт олон Говь-Алтай аймгийн Тонхил суманд очжээ.