Хятадын Коммунист нам Ши Жиньпиний улс төрийн түүхэн дэх байр суурийг бататгасан "түүхэн тогтоол"-ыг баталжээ.

Намын 100 жилийн түүхийг хураангуйлсан уг баримт бичигт намын гол ололт амжилт, цаашдын чиг үүргийг тусгасан байна.

Энэхүү үйл ажиллагаа нам байгуулагдсанаас хойш гурав дахь удаагаа болж байгаа бөгөөд эхний тогтоолыг 1945 онд Мао Зэдун, хоёр дахь тогтоолыг 1981 онд Дэн Сяопин нар тус тус баталжээ.

Энэ нь Хятадын улс төрийн хамгийн чухал уулзалтуудын нэг болох Зургаа дахь чуулганы пүрэв гарагт болсон хурлаар батлагдсан юм.

Дээрх тогтоолыг гаргасан гурав дахь Хятадын удирдагчийн хувьд энэ алхам нь ноён Ши-г намыг үүсгэн байгуулагч Мао болон түүний залгамжлагч Дэн нартай эн зэрэгцэхүйц гавьяа байгуулсныг нотолж байгаа юм.