Монгол Улсын Хөгжлийн банк биржийн бус зах зээлд 280 тэрбум төгрөгийн мөнгөн дүн бүхий бонд гаргахаар шийдвэрлэсэн байдаг. Өчигдөр Хөгжлийн банк 142.2 тэрбум төгрөг буюу нийт мөнгөн дүнгийн 50 орчим хувийг арилжсан байна. Тус бондоос гурван жилийн хугацаатай, жилийн 9.6 хувийн хүүтэйгээр санал болгож буй юм. Ингэхдээ татан төвлөрүүлэх хөрөнгөөр томоохон төсөл хөтөлбөрүүдийг санхүүжүүлэхээр төлөвлөсөн болохыг мэргэжлийн байгууллагууд нь хэлж байгаа юм.