Төв аймгийн Заамар сумын Төмөртэй багийн “Доргол” гэдэг газар 5 иргэн загасчилж яваад 2 нь осолджээ. Тодруулбал, “Прадо-150” загварын суудлын автомашинаар “Туул” голыг гатлах явцад автомашин нь голын усанд сууж, 2 нь осолдсон байна.
Энэ сарын 10-ны байдлаар 53 настай иргэн О-г эрэн хайх ажиллагааг тус аймгийн Онцгой байдлын газрын Эрэн хайх, аврах салбарын алба хаагчид, “Шижир-Алт" ХХК-ийн ажилтнууд, ар гэрийнхний хамт эрэн хайх ажиллагааг Төмөртэй багийн “Доргол" гэдэг газраас Хайлааст багийн “Хөвдөг гүүр" гэдэг газар хүртэл 22 км-т, Хайлааст багийн “Хөвдөг гүүр"гэдэг газраас “Баянголын-Уурхай" гэдэг газар хүртэл 20 км-т завиар, “Бетон гүүр" гэдэг газар хүртэл 30 км-т голын эрэг дагуу явганаар зохион байгуулсан боловч үр дүнд хүрээгүй тул эрэн хайх ажиллагааг өнөөдөр 07.00 цагаас дахин эхлүүлээд байна.
