УИХ-ын гишүүн С.Одонтуяа ХӨСҮТ-д ажиллажээ. Энэ талаараа мэдээлэл өгөв. Тэрбээр "Чуулганы хуралдаанаар 2022 оны төсөв удахгүй хэлэлцэгдэнэ. Тиймээс эрүүл мэндийн салбар бэлэн үү, ялангуяа ковидын гардан эмчилж байгаа ХӨСҮТ-ийн байдал ямар байгааг мэдэхээр ХӨСҮТ-д ажиллалаа. Үнэхээр бэлэн биш, хүнд байна. Сэхээний тасгийн тааз нурж унахад бэлэн байна. 1986 оноос хойш засвар хийгдээгүй байна. Хүнд өвчтэй хүмүүс бохир орчинд эмчлүүлж байна. Эмч нар амрах суух ч газаргүй байна. Тиймээс улсын төсөв батлагдахад ХӨСҮТ-ийн асуудлыг оруулж, шийдвэрлэхгүй бол болохгүй юм байна. Ковидтой нүүр тулж тэмцэж буй ХӨСҮТ-ийн засвар үйлчилгээний мөнгийг төсөвт суулгахад анхаарна.Мөн цэвэрлэх байгууламж, сантехникийн асуудлыг нь шийдэх ёстой. Ковидын үеэр төсвийн асуудлыг харьцангүй шийдээд явж байгаа. Гэтэл яагаад ХӨСҮТ-ийн асуудлыг одоо хүртэл шийдвэрлэхгүй байна вэ. Тиймээс яаралтай шийдвэрлэх шаардлагыг УИХ-д тавина. Гэхдээ ХӨСҮТ-ээс гадна бусад эмнэлгүүд ч ийм нөхцөлтэй байж магадгүй. Тиймээс эмнэлгүүдээр явж танилцана. Төсвөөс өмнө шийдвэрлэхээр ажиллах болно" хэмээлээ.