Өнөөдөр буюу 2020 оны гуравдугаар сарын 20-ны өдөр Улаанбаатарын цагаар 11:03:11 цагт Говь-Алтай аймгийн Тонхил сумаас зүүн урд зүгт 30 км зайд 5.8 магнитудын хүчтэй газар хөдлөлт боллоо. Одон орон геофизикийн Ховд салбараас өгсөн мэдээллээр энэ нь Ховд аймгийн Дарви, Цэцэг, Мөст, Булган, Алтай, Үенч сумдад хамгийн хүчтэй мэдрэгдсэн ба урьдчилсан тооцооллоор 5-6 балл орчим байжээ. Харин Жаргалант суманд 3-4 балл орчим байсан гэж Ховд аймгийн Засаг дарга Б.Дүгэржав мэдээллээ.