УНТЭ-ийн мэдээгүйжүүлэг хагалгааны нэгдсэн тасагт Ламинар урсгалтай хагалгааны иж бүрэн өрөөтэй болжээ. Нээлтийн үйл ажиллагаанд Эрүүл мэндийн сайд С.Энхболд, Ерөнхийлөгчийн Эрүүл мэнд, спорт, нийгмийн бодлогын зөвлөх, Т.Мөнхсайхан болон бусад албаныхан оролцжээ.

Энэ талаар Эрүүл мэндийн сайд С.Энхболд "Хэдийгээр цар тахлын үе ч гэлээ бүгдийг "золиослож" болохгүй. Тэр дундаа эрүүл мэндийн үндсэн тусламж үйлчилгээг хэзээ ч алдагдуулах ёсгүй.

Өнөөдөр УНТЭ-ийн мэдээгүйжүүлэг хагалгааны нэгдсэн тасагт ЭМЯ-ны санхүүжилтээр иж бүрэн засвар орж, Ламинар урсгалтай хагалгааны иж бүрэн өрөөтэй боллоо. Таван өрөөг засаж, тоног төхөөрөмжийн шинэчлэл хийснээр дэлхийн жишигт нийцсэн мэдээгүйжүүлэлтийг хийх боломж бүрдлээ. Энд үе солих, зүрх судас, эрхтэн шилжүүлэх зэрэг томоохон хагалгаа хийгдэх юм.

Мөн өчигдөр чихрийн шижингийн рентинопатийн тусламж үйлчилгээний загвар бий болгох төслийн нээлтээ хийлээ. Удахгүй үр дүнг нь иргэд маань хүртэх боломжтой болж байна" гэв.