Дэлхий нийтэд тархаад буй коронавирусээс урьдчилан сэргийлэх арга хэмжээг улс орнууд авсаар байна. Халдварын тархалтаас сэргийлэх зорилгоор ОХУ 3-р сарын 18-ны өдрөөс эхлэн 5-р сарын 1-ний өдрийг хүртэл хилээ хааж, гадаадын иргэдийг оруулахгүй байхаар шийдвэрлэжээ. Коронавирусний халдварын аюулгүй байдлыг хангах, тархахгүй байх арга хэмжээг авч байна гэж ОХУ-ын Ерөнхий сайд Михаил Мишустин мэдэгдсэн юм. Энэхүү зохицуулалт, хязгаарлалтын хүрээнд:

• Зөвхөн гаднаас буцан ирж байгаа ОХУ-ын иргэдийг хилээр нэвтрүүлнэ.
• Ачаа бараа тээвэрлэж байгаа галт тэрэг, усан онгоц, ачааны автомашины жолооч нарыг нэвтрүүлнэ.
• Албан ёсны ажлаар явж буй төлөөлөгчид, дипломат албаны болон тусгай чиг үүрэг гүйцэтгэж байгаа албан хаагчдыг ОХУ-ын хилээр нэвтрүүлэх юм байна.