Их хэмжээний өртэй байсан эхнэр, нөхөр хоёр амиа хорлосон харамсалтай хэрэг гараад байгаа. Тодруулбал, тэд гэрээслэл үлдээгээд БЗД-ийн наймдугаар хороонд байрлах нэгэн зочид буудалд өөрсдийгөө боомилж амиа хорлосон.

Эхнэр нь 1991 оных, нөхөр нь 1989 оны залуучууд байсан ба бага насны гурван хүүхэдтэй, хамгийн бага нь 3 настай байсан аж.

Эх сурвалжийн мэдээлж буйгаар, тэд олон хүнд нийт 100 гаруй сая төгрөгийн өр тавиад байжээ. Улмаар энэхүү өрөө төлж чадахгүйд хүрч, эм уух зэргээр амиа хорлох үйлдэл удаа дараа хийж байсан аж.

Харин энэ удаад зочид буудлын ОО-ын өрөөнд өөрсдийгөө боомилж амиа хорложээ. Ингэхдээ гэрээслэл бичээд үлдээсэн гэх мэдээлэл байна.

Хэргийг БЗД-ийн цагдаагийн гуравдугаар хэлтэст шалгаж байна.