Коронавирусийн шинж тэмдэг зарим хүмүүст удаан хугацааны туршид үргэлжилж байна. Өөрөөр хэлбэл, коронавирус халдвараар өвчилсний дараа 4-7 сарын хугацаанд зарим хүмүүст шинж тэмдэг илэрч байгаа. Нэг жилийн хугацаанд үргэлжилэх хүн ч байна. Тэр дундаа, ядарч сульдах, толгой өвдөх, анхаарал сулрах, бие сулрах, нойргүйдэл, гэдэс эвгүйрхэх гэх мэт. Тэгвэл коронавируст халдвараар өвчилж эдгэсний дараа юуг анхаарах ёстой талаар мэргэжлийнхний зөвлөгөөг хүргэж байна.

-Амин дэмээр баялаг хоол хүнс, шингэн зүйл сайн хэрэглээрэй

-Хэрэв та өвдөхөөсөө өмнө тамхи татдаг байсан бол эдгэрснийхээ дараа тамхинаас татгалзаарай. Архи согтууруулах ундаанаас мөн адил татгалзаарай.

-Сандал дээр суугаад гүнзгий амьсгал авч гаргах амьсгалын дасгал хийж уушгины үйл ажиллагаагаа дэмжээрэй.

-Ажил амралтын зохицуулалт хийж хангалттай амарснаар хурдан эдгэх боломжтой.Өөртөө хэт их ажлын ачаалал битгий өгөөрэй.

-Хэвтэж эсвэл унтаж байхдаа доошоо эсвэл хажуу байрлалаар унтахыг хичээгээрэй. Ингэснээр таны уушгины үйл ажиллагаа илүү хурдан нөхөн сэргэхэд ач тустай

-Хэрэв танд КОВИД-19-тэй холбоотой эрүүл мэндийн асуудал байвал нэгдсэн лавлах 119 эсвэл харьяа өрхийн эрүүд мэндийн ажилтнаас зөвлөгөө мэдээлэл аваарай.

-Ханиаж найтаахдаа ам, хамраа таглаж бусдад халдвар дамжихаас сэргийлээрэй

-Алхах , суниах ,иог хийх өөрийн биеийн онцлогт тохирсон дасгал хөдөлгөөнийг хийж хэвшүүлээрэй.