ЭМЯ-ны хэлтсийн дарга Д.Нарангэрэл. Хэвлэлийн бага хурлын үеэр. Гуравдугаар сарын 16-ны өдөр.

Өнөөдөр Эрүүл мэндийн яамны хэвлэлийн бага хурлын үеэр, хэлтсийн дарга Д.Нарангэрэл эмнэлэг, эрчимт эмчилгээний орыг нэмэгдүүлэх тал дээр арга хэмжээ авч буй талаар мэдээлсэн юм. Тэрээр:

"Дэлхийн өндөр хөгжилтэй орнууд хүн амынхаа 1-1,4 хувийг эмнэлэгт хэвтүүлэх хүчин чадалтай байдаг. Харин манайх 0,4 хувь байна. Гэвч бид эмнэлгийн ор, эрчимт эмчилгээний орыг нэмэгдүүлэх тал дээр арга хэмжээ авч байгаа. Ковид-19 халдвартай холбоотойгоор Европ зэрэг дэлхийн олон орнууд хуарангийн системд шилжсэн байдалтай байна. Бид эрүүл мэндийн байдал, эмнэлгүүдийн бэлэн байдлыг хангах тал дээр онцгойлон анхаарч ажиллаж байна" гэлээ.