Түлхүүр мэдээлэл: 

• 27 -ны өдөр хүртэл Apple компани Хятадаас бусад газарт байгаа дэлгүүрүүдээ хааж байгаагаа мэдэгдлээ.
• Хятадын эх газарт байрладаг 42 дэлгүүрээ нээжээ.

Хятадын эх газраас гадна орших бүх дэлгүүрүүдээ гуравдугаар сарын 27-ны өдрийг хүртэл хааж байгаагаа Apple компани өчигдөр зарлажээ. Энэ нь Covid-19 тахлын дэгдэлтийг хязгаарлахад чиглэсэн арга хэмжээ юм байна.

Коронавирусийн дэгдэлт буурч байгаатай холбогдуулан тус компани өнгөрч буй долоо хоногт Хятадын эх газарт оршдог 42 дэлгүүрээ нээж, хэвийн ажиллагаанд шилжүүлсэн юм.

Тэгвэл энэ алхамтай зэрэгцүүлэн дэлхийн бусад улс орнууд дахь дэлгүүрүүдээ түр хугацаагаар хааж байна. Covid-19 вирусийн тархалтын оргил үе Хятадад өндөрлөж, бусад улс орон, бүс нутагт тахлын голомт шилжсэн нь энэ шийдвэрээс харагдаж байгаа юм.

Дэлгүүрүүд хаагдсан хугацаанд Apple-ийн үндсэн ажилтнууд цалингаа хэвээр авах бөгөөд онлайн худалдаа нь хэвийн үргэлжлэх гэнэ.

                                                                                                                                                                                                                        Эх сурвалж: Reuters