Хятад улс "хууль бус контент" агуулсан караоке дуунуудыг хориглох гэж байгаа талаар Соёл, аялал жуулчлалын яамнаас мэдээлэв. Энэ ангилалд үндэсний эв нэгдэл, тусгаар тогтнол, нутаг дэвсгэрийн бүрэн бүтэн байдалд заналхийлж буй дуунууд багтдаг.
Караоке ажиллуулж буй албан байгууллагууд өмнө байсан дуунууд болон шинээр нэмэгдэж буй дууг яамны төлөөлөгчдөөр хянуулж цэсэндээ нэмэх аж.
Энэхүү дүрэм нь аравдугаар сарын 1-нээс хэрэгжиж эхэлнэ. Хориглох гэж байгаа дуунууд нь:
- Үндэстний ялгаварлан гадуурхалтыг өдөөх
- Үндэсний аюулгүй байдалд заналхийлэх, үндэсний нэр төр, ашиг сонирхолд хохирол учруулах
- Төрийн шашны бодлогыг зөрчих
- Садар самуун, мөрийтэй тоглоом, хүчирхийлэл болон бусад гэмт үйлдлийг сурталчлах
