Вируслогич эрдэмтэд коронавирусээр өвчлөөд эдгэсэн ч эрэгтэйчүүдийн тухайд баярлах болоогүйг хатуу анхааруулсан байна. Тэд эдгэсэн эрчүүдийг үргүйдлийн шинжилгээ өгөхийг сануулжээ. Учир нь судлаачдын тогтоосноор “Ковид-19” -ын вирус нь уушигнаас гадна эрэгтэйчүүдийн бэлгийн тогтолцоог ноцтой гэмтээдэг аж.

Үүнийг аюулт өвчинтэй гардан тэмцэж байгаа Хятадын Ухань хотын эмч эрдэмтэд ч мөн баталжээ. Энэ сарын 10-нд коронавирус нь эрэгтэйчүүдийн үрийн шингэн ялгарах, боловсрох тогтолцоо, үйл явцыг гэмтээж алдагдуулж байгаа тухай илтгэл эмнэлгийн сайтад тавигдаж олон нийтэд хүрчээ.  Үүнээс гадна коронавирус нь элэг зүрх, бөөрөнд ч гэмтэл урхаг үлдээж байгааг эрдэмтэд тогтоожээ.