Согтууруулах ундаа хэрэглэсэн үедээ үерийн ус зайлуулах даланд унажээ. Тодруулбал, Нийслэлийн Сонгинохайрхан дүүргийн 43 дугаар хорооны нэгдүгээр гудамжинд нэг эмэгтэй хүн үерийн ус зайлуулах даланд унасан тухай дуудлагыг өнгөрсөн шөнө буюу наймдугаар сарын 4-нд бүртгэгдсэн байна. Дуудлагын дагуу Нийслэлийн Аврах ангийн алба хаагчид очиж Налайх дүүргийн харъяат, 43 настай эмэгтэйг эсэн мэнд гаргажээ.