Нийслэлийн Баянгол дүүргийн долдугаар хорооны “Шүүт” хотхоны хашаанд баригдаж байгаа 15 давхар барилгын дээврээс хүн үсрэх гэх дуудлага өчигдөр буюу наймдугаар сарын 4-нд Онцгой байдлын газарт бүртгэгджээ. Дуудлагын дагуу Нийслэлийн Аврах ангийн алба хаагчид очиход Хан-Уул дүүргийн 19 дүгээр хорооны харьяат 39 настай эмэгтэй А 15 давхар барилгын дээврээс үсрэх гэж байсныг эсэн мэнд буулгасан байна.