Ази-Далайн орнуудын Олимпийн эрх олгох тэмцээн энэ сарын 03-11-ний өдрүүдэд Йордан улсын нийслэл Амман хотноо зохион байгуулагдлаа.

Уг тэмцээнд 35 орны 221 тамирчин /эрэгтэй 151, эмэгтэй 70 тамирчин/ 13 жинд /эрэгтэй 8 жин, эмэгтэй 5 жин/ "Токио-2020" Олимпийн 63 эрхийн төлөө хурд хүчээ сорин өрсөлдөв.

Монголын баг нийт 13 тамирчны бүрэлдэхүүнтэйгээр тус тэмцээнд оролцсоноос Олон улсын хэмжээний мастер /ОУХМ/ Б.Чинзориг 63кг-ийн жинд хүрэл медаль хүртэж, Монголын боксчдоос “Токио-2020” Олимпийн эрхээ хүртсэн анхны тамирчнаар шалгарав.

Олимпийн эрх олгох сүүлийн тэмцээн ирэх тавдугаар сарын 13-20-ны өдрүүдэд Франц улсын нийслэл Парис хотноо зохион байгуулагдана.