Дорноговь аймгийн нэр бүхий 2-3 иргэн нийлж туг далбаа барин, коронавирус илэрсэн Франц иргэнийг амралтын газартай нь хамт шатаахыг уриалсан бичлэг цахим орчинд нийтэлжээ. Тус бичлэгтээ “Хүнд гай болсон тэр хүнийг байрлаж байгаа амралтын газартай нь хамт яг одоо шатаая” гэж уриалсан байна.

Тэрхүү бичлэг нь олон хүнд хүрсэн бөгөөд Цагдаагийн байгууллагаас дээрх иргэдэд олон нийтийг террорист үйл ажилллагаанд урилан турхирсан, өдөөн хатгасан, ухуулсан хэмээн үзэж Зөрчлийн хэрэг нээн шалгаж эхэллээ. Одоогоор материалжуулан хэрэг бүртгэлийн ажиллагаа хийгдэж байна.