Монголын шинэ цагийн репперүүд буюу "Урлаг Монголд хөгжихийн төлөө" нэгдлийн уран бүтээлчид болох Roockie, Wolfizm, Don Dior, 168, Loce нар хамтран "Надад хамаагүй" хэмээх уран бүтээлээ гуравдугаар сарын 09-нд цахим орчинд байршуулжээ.

Тус уран бүтээлийн нэг үзэлт нэг төгрөгөөр үнэлэгдэж ОБЕГ-т хандив болон хүрнэ. Тухайлбал, уран бүтээл цацагдсанаас хойш долоо хоногийн хугацаанд үзэгчдэд хүрсэн хандалтын тоог үнэлж, уран бүтээлчид өөрсдийн зүгээс хандивийг гардуулах санаачилгыг гаргажээ.

Аян цаашид уран бүтээлч, нийгэмд нөлөөлөгч залуусын дуу хоолойгоор дамжуулан залуу үеэ идэвхтэй, нийгмийн оролцоотой, өөрсдийн үзэл бодол, сонголттой байхыг уриалж буй аж.