МАН-ын Бага хурал үргэлжилж байна. Өнөөдрийн хурлаар МАН-ын даргыг томилох юм. Учир нь МАН-ын дарга У.Хүрэлсүх Монгол Улсын Ерөнхийлөгчөөр сонгогдож, өнөөдөр тангараг өргөх тул намын даргаасаа түдгэлзэж байгаа юм. МАН-ын гишүүн Д.Лүндээжанцан өөрийн байр сууриа илэрхийллээ. Тэрбээр,
"Ерөнхийлөгч болсон хүн намын даргын ажлаа өгнө. Намаасаа түтгэлзэнэ. Ард түмний эв нэгдлийг илэрхийлэгч гэдэг маань аль нэг намд харьяалагдахгүй. Ийм учраас өнөөдөр намын даргын ажлыг өгнө. Эрх барьж байгаа намын дарга маш өндөр үүрэг хариуцлага хүлээж байгаа. Өөрөөр хэлбэл ард түмний өмнө, сонгогчдын өмнө, улс орны өмнө үүрэг хариуцлага хүлээж байна. Бүрэн эрхийнхээ дөрвөн жилийн хугацаанд улс орны аюулгүй байдал, тусгаар тогтнол, хөгжил дэвшлийг хар толгойгоороо хариуцаж мөрөн дээрээ авч яваа хүн бол Ерөнхий сайд, эрх баригч намын дарга байдаг" гэв.
