Монгол Улсын Ерөнхийлөгчийн найм дахь удаагийн сонгуульд нийт сонгогчийн 67.8 хувийн саналаар МАН-аас нэр дэвшигч У.Хүрэлсүх ялалт байгуулсан билээ. Тэрбээр өнөөдөр /2021.06.25/ Монгол Улсын Ерөнхийлөгчийн тангарагаа өргөх юм. Үндсэн хуулийн нэмэлт өөрчлөлтийн дагуу тэрбээр зургаан жилээр нэг удаа Төрийн тэргүүнээр ажиллах юм. МАН-аас нэр дэвшиж үнэмлэхүй ялалт байгуулсан У.Хүрэлсүхийг Монгол Улсын Ерөнхийлөгчөөр сонгогдсон гэж үзэж, бүрэн эрхийг хүлээн зөвшөөрөх тухай тогтоолыг УИХ-ын Төрийн байгуулалтын байнгын хорооны зургадугаар сарын 11-ны өдрийн хуралдаанаар дэмжсэн байдаг.