Токиогийн халдварын тохиолдлын тоо дахин нэмэгдэх болсонтой холбогдуулан Японы Засгийн газар Токио, Осака, Киото, Хиого мужид онцгой байдал тогтоохоор төлөвлөж байна. Энэ нь ирэх тавдугаар сарын эхэн үе хүртэл үргэлжлэх “Алтан долоо хоногийн” амралтын өдрүүдтэй давхцах юм.

“Бид орон нутгийн засаг захиргаадтай хамтран ажиллаж, авч хэрэгжүүлэхээр төлөвлөж буй арга хэмжээнүүдийнх нь талаар хэлэлцэнэ” гэж Ерөнхий сайд Сүга Ёшихидэ мэдэгдээд, шийдвэр энэ долоо хоногт гарах төлөвтэй байгааг дурджээ.