Нийслэлд хүн амыг дархлаажуулалтын хоёр дахь шатанд хамруулж эхэллээ. Эхний ээлжинд вакцины 2 дахь тунг эмч, эмнэлгийн ажилтнуудад хийж эхэлсэн бол одоо төрийн алба хаагчдыг хамруулж байна.

   Өнөөдөр Улаанбаатар хотод 35 цэгт 66 багийн 499 эмч, ажилтан ажиллана. Тэд хариу арга хэмжээнд ажиллаж байгаа 10877 албан хаагчийг дархлаажуулах юм. Нийлэлд вакцинжуулалтын суурин 120, явуулын 40 цэг ажиллаж иргэдэд "COVID-19"-ийн халдварын эсрэг давтан тунг хийхээр зохион байгуулаад буйг УОК-оос мэдээллээ.