Археологичид Египетийн өмнөд нутгаас элсэнд хаягдаж, мөхсөн 3.4 мянга гаруй жилийн настай хот олжээ. “Al Balad” сонинд мэдээлж буйгаар, уг хотыг эртний Египетийн фараон III Аменхотеп байгуулсан гэж үзэж байгаа юм.

     Хотыг үүсгэн байгуулсан III Аменхотеп нь МЭӨ XIV зуунд (ойролцоогоор МЭӨ 1388-1351 он) амьдарч байжээ. Түүнийг нас барсны дараа хот Тутанхамоны хаанчлалын үе (МЭӨ 1332-1323 он) хүртэл цэцэглэн хөгжсөн байна. Эртний тэр үед уг хот гудамжуудтай, харин байшингууд нь гурван метрийн өндөртэй байжээ. Археологичид малтлагаа 2020 оны есдүгээр сард эхлүүлсэн байна. Эрдэмтдийн гол зорилго нь Тутанхамоны оршуулгын сүмийг олох байв.