Өнөөдрөөс яг нэг жилийн өмнө буюу 2020 оны гуравдугаар сарын 10-нд Монгол улсад коронавирусний анхны тохиолдол Франц иргэнээс бүртгэгдэж байжээ. Энэхүү мэдээг тухайн үеийн Шадар сайд Ө. Энхтүвшин хэвлэлийн хурлын үеэр хэлж байв.

Франц иргэн "Анх-Отгон" ХӨСҮТ-д 47 хоног эмчлүүлэн эдгэж дөрөвдүгээр сарын 26-нд эмнэлгээс гаран "Энхсаран" сувилалд тусгаарлагдаж тавдугаар сарын 2-нд нутаг буцаж байв.

Тухайн үед Франц иргэн 200 орчим хүнтэй хавьтал болсон гэж үзэж байсан хэдий ч дотоодод халдвар илрээгүй юм. Өчигдрийн байдлаар нэг жилийн хугацаанд нийт 3372 тохиолдол Монгол улсад бүртгэгдээд байна.