Испанийн “Барселона” багийн еранхийлөгч асан Хосел Мария Бартомеуг Испанийн цагдаа нар гэрээс баривчилжээ. Түүнчлэн багийн гүйцэтгэх захирал Оскар Грау, Роман Гомез Понти нарыг ч мөн саатуулсан байна.

Энэхүү баривчилгаа нь “Барселона” клуб тоглогчид болон ажилтнуудаа олон нийтийн сүлжээгээр гутаан доромжлох зорилгоор сошиал медиа компани хөлсөлсөн гэх “Barcagate” шуугиантай холбоотой гэж Испанийн хэвлэлүүд мэдээлэв. Бартомеу цагдаагийн хэсэг дээр хоносон байна. Хуулийн байгууллага “Барселона”-гийн оффист шалгалт оруулсны дараа түүнийг багийн үйл ажиллагааг эрхлэн явуулахдаа авлигын аргаар асуудлуудаа шийддэг байсан, хөлбөмбөгчдийнхөө эсрэг ажилласан хэмээн буруутгаж байгаа юм.