Төрийн байгуулалтын байнгын хороо хуралдаж байна. Хуралдаанаар Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /УИХ-ын гишүүн Ж.Бат-Эрдэнэ нарын 12 гишүүн 2026.05.13-ны өдөр өргөн мэдүүлсэн, хэлэлцэх эсэх/ асуудлыг хэлэлцлээ. Энэ үеэр УИХ-ын гишүүн Л.Гантөмөр "Нэг хэсэг нь салбаганаж хууль өргөн бариад л, нөгөө хэсэг нь орилж хашгирч цаг аваад л. Ямар ч замбараа, учир шалтгаангүйгээр хууль өргөн барьж байна. ТББХ-ны дарга шинээр хууль хүлээж авч болохгүй. Байгаа хуулиудаа ярьж дуусга" гэв.