УИХ дахь Ардчилсан намын бүлэг хуралдаж эхэллээ. Тодруулбал, Ардчилсан намын дарга О.Цогтгэрэл УИХ дахь Ардчилсан намын бүлгийн даргын ажлаас чөлөөлөгдөх хүсэлтээ намынхаа Улс төрийн зөвлөлийн хурлын үеэр гаргасан. Үүнтэй холбоотойгоор дараагийн бүлгийн даргын асуудал яригдаж эхэлсэн бөгөөд өнөөдөр эцэслэн тодруулахаар байна.
Өнөөдөр өглөө тус намын Улс төрийн зөвлөл хуралдаж, бүлгийн даргад нэр дэвшигчдийн тодруулсан билээ. Үргэлжлүүлэн бүлгийн гишүүдийн ирц хүрсэн тул хаалттай байдлаар хуралдаж эхэллээ.
Одоогийн байдлаар бүлгийн даргад УИХ-ын гишүүн Б.Түвшин, Х.Тэмүүжин нар нэр дэвших мэдээлэл байгаа билээ.
