Боловсролын ерөнхий газрын даргаар ажиллаж байсан Т.Ням-Очирыг өнгөрсөн лхагва гарагийн Засгийн газрын хуралдаанаар Боловсролын яамны Төрийн нарийн бичгийн даргаар томилсон. Улмаар Боловсролын ерөнхий газрын даргын албан үүргийг түр орлон гүйцэтгэгчээр Боловсрол судлалын доктор (Ph.D), профессор Х.Тамир томилжээ.

Х.Тамир нь багш, МУБИС, сургалт эрхэлсэн дэд захирал, БШУЯ, Дээд болон мэргэжлийн боловсролын газрын дарга, ХХҮЕГ, Халамжийн бодлогын хэрэгжилтийн газрын дарга, Ажиллах хүчний газрын дарга, ХХҮЕГ-ын даргын үүрэг гүйцэтгэгч, ГБХНХЯ, Хөдөлмөрийн бодлогын газрын даргаар, ГБХНХЯ, Хөдөлмөр эрхлэлтийг дэмжих хэлтсийн даргаар, БЯ, БЕГ, Багш, ажилтан, байгууллагын хөгжлийн газрын даргаар ажиллаж байсан аж.