Бажи буюу Б.Батхишигийн гаргасан осолд 1 эмэгтэй өртөж, гэмтжээ. Тодруулбал, олон нийтийн цахим сүлжээнд Люмино хамтлагийн дуучин Бажи буюу Б.Батхишиг осол гаргасан талаар мэдээлэл цацагдсан. Тус осол Сүхбаатар дүүргийн нутаг дэвсгэр болох ГХЯ-ны баруун замд гарсан бөгөөд тухайн үед тэрбээр Tiggo маркийн автомашин жолоодож яваад зорчих хэсгээс гарчээ. Улмаар явган хүний замаар зорчиж явсан 22 настай иргэнийг мөргөсөн байна. Түүнчлэн осолд дөрвөн автомашин өртжээ.