Эдийн засаг, хөгжлийн яам “Төр, хувийн хэвшлийн түншлэлийн төв”-өөс Азийн хөгжлийн банк (ADB), АНУ-ын Худалдааны яамны CLDP хөтөлбөр, МҮХАҮТ-тай хамтран "Төр, хувийн хэвшлийн түншлэл - 2026" форумыг зохион байгуулахаар боллоо. Форум 2026 оны 4 дүгээр сарын 24-ний өдөр зохион байгуулагдах юм.

Эдийн засгийн хөгжлийн шинэ гарц, түншлэлийн бодит боломж, хөрөнгө оруулалтын шинэ ирээдүй, инноваци, тогтвортой хөгжил зэрэг өргөн цар хүрээг хамран явагдах тус форумаар төр хувийн хэвшлийн түншлэлийн хууль эрх зүйн орчин болоод институцын тогтолцооны талаар нэгдсэн ойлголтыг нэмэгдүүлэхэд чиглэнэ.