“BCL Asia East 2026” тэмцээнд оролцож байгаа Монголын дээд лигийн 9-н удаагийн аварга "Хасын Хүлэгүүд" баг 3 дахь импорт тоглогчоо эгнээндээ нэгтгэлээ. Тэд энэ удаа NBA-н хөгжлийн лигийн Ignite багт тоглож байсан Айзая Тодд-ыг багтаа авчирлаа. Түүний хувьд 206 см өндөр, 99 кг жинтэй. Хөгжлийн лигт 12.3 оноо, 4.9 самбар дунджилж алсын зайнаас 36.2 хувьтай шидэлт гүйцэтгэсэн байна.
Хүлэгүүд энэ сарын 19, 21-нд хэсгийн тоглолтуудаа хийх хуваарьтай байгаа.
Түүний хувьд 2021 оны NBA Draft-ын 31 дэх сонголтоор Вашингтон Визардс багийн бүрэлдэхүүнд тоглож байсан бөгөөд тус багийн Capital City Go-Go багт мөн тоглож байв. Хамгийн сүүлд Rio Grande Valley Vipers багт тоглож байжээ.
