Сагсан бөмбөгийн дээд лигийн финалын цувралын гурав дахь тоглолт өнөөдөр болж Хүлэгүүд 79:69 харьцаатайгаар хожил байгууллаа. Ингэснээр тэд цувралыг харьцааг холдуулж 3-0 болгож байна. Дахин нэг хожил байгуулахад Хүлэгүүд 10 дахь аваргын цомоо өргөхөөр болж байна. Хүлэгүүдээс өнгөрсөн улирлын MVP А.Азбаяр өөрийн сайн тоглолтоо үзүүлж 27 оноо 10 самбар авч дабл дабл гүйцэтгэв. Мөн энэ улирлын амжилт нь ахисан тоглогчийн шагналыг хүртсэн Б.Барсболд 11 оноо, 7 ашигтай дамжуулалт, 4 бөмбөг таслалтыг үзүүллээ.

Харин нөгөө талд Бодонс хожигдох эрхгүйгээр үлдсэн тоглолтод оролцох хүндхэн даалгавартай болж байна.

Цувралын эхний тоглолтод Хүлэгүүд 77:76 буюу хагас бөмбөгийн зөрүүтэйгээр хожил байгуулсан. Уг тоглолтод Хүлэгүүдээс Б.Барсболд, Э.Түшиг нар сайн тоглолтоо үзүүлсэн. Харин хоёр дах тоглолтод 87:62 харьцаатайгаар өндөрлөсөн. Аваргын цувралд бэртлээсээ эргэн ирсэн Иан Миллер уг тоглолтод сайн тоглолтоо үзүүлж цувралын тэргүүллээ баталгаажуулсан.