Ерөнхий сайд асан Л.Оюун-Эрдэнийн зүгээс УИХ-ын гишүүн Б.Энхбаярыг “Бодь интернэшнл” ХХК-ийн захирал Д.Баясгалангаас 500 мянган ам.доллароор нэг удаа, 800 мянган ам.доллароор дахин нэг удаа, нийт 1.3 сая ам.долларыг бэлнээр авсан байж болзошгүй гэх мэдээллийг шалгуулахаар АТГ-д хандаад буй. Харин ХЗДХ-ийн сайд Б.Энхбаярын зүгээс эл мэдээллийг үгүйсгэсэн билээ.
Тэгвэл үүсээд буй нөхцөл байдалтай холбоотойгоор зарим УИХ-ын гишүүдээс Б.Энхбаярыг гишүүнээсээ түдгэлзээд шалгуулах ёстой гэх байр суурийг илэрхийлж байгаа юм. Харин эл асуудал ЗГ-ын хуралдаанаар яригдсан эсэхийг ЗГХЭГ-ын дарга С.Бямбацогтоос тодруулахад "Б.Энхбаяртай холбоотой асуудал ЗГ-ын хуралдаанд дээр яригдаагүй. Гэм бурууг шүүх л тогтооно. Төрд албан тушаал хашиж байгаа нэгнээ гутаан доромжилж, гүтгэсээр байтал төрд итгэх иргэдийн итгэл алдарч байна" гэв.
Сэтгэгдэл (3)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!